جرمني ته د ۷ راانتقال سوو افغانانو څخه تحقیقات روان دي
۱۴۰۰ شهریور ۱۴, یکشنبه
د جرمني د کورنیو چارو وزارت اعلان کړی دی، چي د سلهاوو تنو افغاني اتباعو څخه چی د طالبانو په لاس د کابل ترسقوط وروسته له دغه هیواد څخه جرمني ته راغلی ، اوه تنه یې تر امنیتي بررسیو لاندي نیول سوي دي.
د آلمان داخله وزیر، هورست زیهوفر د پنجشنبه په ورځ وویل:» د هغوی درو تنو جعلي اسناد د ځانه سره درلودل او نورڅلور تنه یې د جنایی جرمونو د ترسره کولو په تور، یو وار د جرمني څخه افغانستان ته اخراج سوي وه«.
کابل ته د طالبانو تر ورننوتو وروسته د آلمان پوځ په مجموع کي ۴۵۰۰ تنه د کابل د هوایی هوايی څخه دغه هیواد ته راانتقال کړل.
زیهوفر ، په راتلونکي کي د افغانستان او سیمي څخه د مهاجرت د بحران احتمالي ډیریدو ته په کتو سره ټینگار وکړ چي » د آلمان حکومت به اروپا ته د غیرقانوني مهاجرتونو د هجوم څخه د مخنیوي پخاطر هر ډول کوښښونه ترسره کړي. که لازمه وي نو زموږ په سرحدونو کي به د ساتني اقدامات د امکان ترحده پوري لاپسي شدید کړو«.
د جرمني داخله وزیر همدارنګه اضافه کړې، چي د ۲۰۱۵ م کال د مهاجرت د بحران پروخت د هغو کسانو د سم نه پیژندلو او نامعلومه هویت په هکله انتقادونه مطرح سوي وه، کوم چي دغه هیواد ته راداخل سوي وه. هغه وویل:» دا کار به په آینده کي تکرار نه سي او نه هم باید تکرار سي.« جرمني غواړي په اضطراري حالاتو کي کومک وکړي ، خو موږ د خپلو اتباعو څخه هم ساتنه کوو.«