په آلمان کې پر یوه اورګاډي ډزې شوي
۱۳۹۹ دی ۱۴, یکشنبه
د جنورۍ میاشتې په ۲ نیټه د ماښام په ۹ بجو پر یوه اورګاډي چې د آلمان او بلجیم هیوادونو ترمنځ د مساپرو د لیږ رالیږد له پاره ترې استفاده کیږي ډزې شوي دي. په دې برید کې د ریل یا اورګاډي یو شمیر ښيښې ماتې شوي دي.
ډزې د آلمان په لویدیځ کې د نورد راین - وستفالن ایالت په لودن شاید ښار کې شوي دي. تر اوسه پورې د ترلاسه شوو معلوماتو له مخې ویل کیږي چې په دې ډزو کې چاته زیان نه دی رسیدلی.
د هغو کسانو هویت او انګیزه چې په دې برید کې یې لاس درلود تر اوسه پورې روښانه شوې نه ده. پر اورګاډي د فیر شوو مرمیو شمیر هم معلوم نه دی.
د پولیسو ویاند ویلي دي چې د دې پيښې په اړه د پلټنو مسئولیت د آلمان جنایي پولیسو ته سپارل شوی دی. پولیسو د بریدګر یا بریدګرو د لټون له پاره له چورلکو څخه هم کار اخیستی دی.
د پيښې په ځای کې د پولیسو د تحقیقاتو له امله د لوید شاید ښار او بروژ (چې په بلجیم کې واقع دی) د اورګاډو لیکه هم له دواړو خواو څخه په موقتي ډول تړل شوې ده.