ايا کلاشينکوف کاپي سوی وو؟ د عربي اماراتو د شرکت ارمان ولي نيمګړی پاته سو؟

په حاضر وخت کې د آلماني سرتيرو انفرادي وسله «G36» ده. د دغه سريز وسلو «ژ۳» ډوله ېې د ايران په شاهي نظام کې د دغه هیواد پوځ درلود.

«G36» په ۲۰۱۲ کال کې د يو څه مودې له پاره د تودو خبرونو په سرټکو کې ځای پیداکړ، ځکه سرتيرو ويلي وو چې دغه وسله د ډزو پر وخت ګرمه راځي او کيفيت يې ښکته راځي. د «هکلر او کخ» کمپنۍ چې دغه وسله يې جوړه کړې وتوانيد چې دغه ستونزه حل کړي.

د «هکلر او کُخ» د وسلو جوړولو شرکت، د آلمان د بادن ووتنبرګ ایالت په اوبرن دورف سيمه کې ده چې د دوهمې نړيوالې جګړې وروسته په کال ۱۹۴۹ کې تاسيس شوه. دغه شرکت د نړۍ په ۸۸ هيوادونو وسلې خرڅوي او د ناټو اکثره غړي يې هم مشتريان دي. په اکثرو مخکينیو کلونو کې به هکلر او کوخ شرکت د آلمان پوځ (بوندیس ويهر) د مناقصو ګټونکی هم کيدی.

د «هکلر او کُخ» تر ۲۰۱۲م کال پورې د «G3» وسلې څخه باندې ۷ ميلیونه ميله توليد کړې وې. د آلمان ساخت دغه وسله تر روسي کلاشينکوف د ۷۰ او ۱۰۰ ميلیونه ميله او د امريکايي «ام شپاړس» د ۱۲ ميليونه ميله وروسته په دريم ځای کې قرار لري.

د آلمان په پوځ کې د وسلو د عصري کولو په موخه، د آلمان د دفاع پخوانۍ وزیرې، اورزولا فون در لاین، په ۲۰۱۷م کال کې د ۱۲۰ زره ميله نوو وسلو د تهیه کولو امر صادر کړ. په دغې مناقصه کې مختلفو شرکتونو ګډون وکړ، لکه: «هِنل» (Haenel)، «هکلر او کُخ» (Heckler&Koch)، «زیګزاور» (SigSauer) او اتریشي شرکت «شتایر منلیشر» (Steyr-Mannlicher).

د آلمان پوځ په ۲۰۲۰م کال کې د «هلکر او کُخ» شرکت لخوا د ۱۲۰ زره ميله نوو وسلو جوړولو وړانديز رد کړ او پر ځای يې د ۲۵۰ ميليونه يورو په ارزښت، د «هينل» شرکت «ام کا ۵۶۶» ډوله وسلې ته مثبت ځواب ورکړ. دا په وروستيو کلونو کې لومړی ځل دی چې د آلمان پوځ د هګل شرکت وړانديز ردوي. د هينل شرکت چې بایسکلونه هم جوړوي، په کال ۱۸۴۰ کې د کارل ګوتیلب هنل له خوا د آلمان په ختيځ، تورينګن کې تاسیس شو.

د «هينل» شرکت وروسته له هغې چې د هوګو او کارل په نوم د اشمیسر وروڼه ورسره يوځای شول، نړيوال شهرت يې پيدا کړ. دغو دوو وروڼو په کال ۱۹۴۴ کې د نړۍ لومړنی تعرضي (اتومات) ټوپک «Mp44» تولید کړ. د کلاشینکوف په څير نني پرمختللي اتومات ټوپکونه هم د «ايم پي ۴۴» پر اساس جوړ شوي دي.

د هيتلري ځواکونو د ماتې او شرقي آلمان ته د سور پوځ په داخلیدو سره، د هينل شرکت رخصت کړل شو او ټولې وسلې، اسناد، طرحې او کړي تحقیقات يې پخواني شوروي ته انتقال شول. هماغه وو چې پخواني شوروي په کال ۱۹۴۷ کې روسي کلاشينکوف جوړ کړ. کلاشينکوف د نړۍ په سطحه يوه تر ټولو ښه وسله وګرځيده چې دې سره د ۷۰ تر ۱۰۰ ميليونه ميله پورې وپلورل شول.

ميخائيل کلاشينکوف، هيڅ کله ونه ويل چې هغه د آلماني انجنیرانو وروڼو «هوګو او کارل اشميسر» له ټوپک څخه کاپي کړې ده، خو عجيبه دا ده چې کله په ۲۰۱۷م کال کې د هغه د يادښت ودانۍ څخه پرده پورته او خلکو ته ښکاره کړل سوه، څو ورځې وروسته، د دغې ودانۍ جوړونکي هنرمند، هوګو او کارل شميسر، د ودانۍ هغه برخه حذف کړه چې د کلاشينکوف وسلې ډيزاينونه په کې وو او هغه ډيزاينونه کټ مټ آلماني «ام پي ۴۴» ټوپک ته ورته وو.

په ۲۰۰۲م کال د تورينګين په «زول» ښار کې د وسلو په موزيم کې د «اشميسر= کلاشينکوف ؟؟» په نوم يو نندارتون جوړ شوی وو. په دغه نندارتون کې د آلماني ساخت «Mp44» ټوپک له مخې د روسي کلاشينکوف کاپي کيدو ‌ذکر شوی وو. پورتنی انځور د آلمان ساخت «ام پي ۴۴» ټوپک او لاندينی د روسي کلاشینکوف دی.

د «هينل» د وسلو جوړولو المانی شرکت، د پخوانيو شوروي اتحاد تر لمنځه تلو او د آلمان تر وحدت وروسته، په ۲۰۰۸م کال کې له سره بیا فعال شو. دغه شرکت د «مرکل» (Merkel) شرکت سره تړاو لري کوم چې ښکاري وسلې او سپورتي وسايل جوړوي. هينل د ۹ کارکونکو سره، په کال ۲۰۱۸م کې د ۷ ميليون او ۱۵۰ زره يورو په ارزښت فروشات درلودل البته د ۴۸۵ زره يورو زیان سره.

اوس دوه پوښتنې مطرح کيږي، لومړی دا چې د «مرکل» شرکت د چا دی؟ دغه شرکت د متحده عربي امارتو حکومت د حکومت اړوند، د هلدينګ «توازن» دی. دوهمه پوښتنه دا ده: يو شرکت چې يوازې ۹ کارکونکي لري او زيان هم ويني څنګه کولای شي ۱۲۰ زره میله وسله او اړوند قطعات يې په کم وخت کې توليد کړي؟

دلته د کاراکال په نوم د وسلو جوړولو د يو بل شرکت نوم هم مطرح شوی چې دا هم د عربي متحده اماراتو د حکومتي هلندينګ «توازن» اړوند دی. دغه شرکت په ۲۰۰۷م کال په ابوظبي کې جوړ شو او اوس د خپلو لوړو خيالاتو سره غواړي په غیرمستیمه توګه د آلمان پوځ سره تسليحاتي معامله وکړي.

تر اعتراضونو وروسته، د آلمان پوځ د «ام کې ۵۵۶» مناقصه فسخه کړه، دلايل يې سياسي نه بلکې د «اختراع په ثبت کې احتمالي مناقشه» او د «توليد انحصاري حقوق» ښودلي دي.

د آلمان په فسخه شوې مناقصه کې په پام کې وو چې د «هينل» شرکت «ام کې ۵۵۶» ‌ډوله وسله واخیستل شي. داسې ښکاري چې دغه وسله د کاراکال شرکت ساخت وسلې «CAR816» څخه په لږ تغيير کاپي شوې وي چې په واقعیت کې د امریکا د «AR15» وسلو د کورنۍ يو غړی دی. تر اعتراضونو وروسته، د آلمان پوځ د «ام کې ۵۵۶» مناقصه فسخه کړه، دلايل يې سياسي نه بلکې د «اختراع په ثبت کې احتمالي مناقشه» او د «توليد انحصاري حقوق» ښودلي دي.