آلمان: روسیه په بالتیک بحیره کې «موږ ټول ګواښي»
۱۴۰۴ اردیبهشت ۲۷, شنبه
د آلمان د بهرنیو چارو وزیر یوهان وادیفول آلمانۍ ورځپاڼې ویلت ام زونټاک ته ویلي دي: «موږ د ګاونډي، ناټو او اروپايي اتحادیې په توګه له خپلو ټولو امکاناتو سره څو اړخيز ګواښونو پر وړاندې مبارزه کوو، د ګزمو د لاډېرولو په شمول.»
وادیفول په خپلو خبرو کې چې د شنبې په ورځ خپرې شوي، خبرداری ورکړی چې «روسيه د بالتيک بحيرې په سیمه کې موږ ټول ګواښي.»
د آلمان خبري آژانس په حواله، له روسي کښتیو څخه هدف هغو ټانکرونو او د کارګو نورو کشتیو ته اشاره ده چې روسیه ورڅخه د تحریمونو په موجودیت کې استفاده کوي، په ځانګړې توګه د خپلو تېلو د انتقالاتو له پاره.
نور ولولئ: اوکرايني چارواکي: د روسيې په یوه حمله کې ۹ کسان وژل شوي
دغه کښتۍ چې پر شېدو فلیت يا د بېړيو پټې ډلې په توگه پېژندل کيږي، پرې په وروستیو میاشتو کې په بالتیک بحیره کې د کیبلونو او او پایپلاینونو د سبوتاژ کولو په موخه د ګڼو تخریبي اقداماتو ادعاوې شوي دي.
له هغه وخت راهیسې په دغه سیمه کې د سمندر تر اوبو لاندې زیربناوو څخه لا ډېر نژدې نظارت کيږي.
وادیفول ویلي دي چې په بالتیک بحیره کې د اوبو لاندې زیربناوو پر وړاندې ګواښونه د وروستیو میاشتو په جریان کې نهایت شدید شوي دي. هغه شېدو فلیت د یو بشپړ امنيتي خطر په توګه واروزلې. دا په داسې حال کې ده چې اروپايي اتحادیې د روسيې پر ضد تحریمونه لا شدید کوي.
د آلمان د بهرنیو چارو وزیر ځینو مواردو ته اشاره وکړه: «د کیبلونو قطع کېدل، د زیګنالونو ګډوډي او مشکوکې کشتۍ زموږ د اندېښنو د ډېرېدو سبب واقع شوي دي.»
نور ولولئ: په ترکيه کې د روسیې او اوکراين ترمنځ مستقيم مذاکرات ترسره کيږي
وادیفول زیاته کړې: «اروپايي اتحادیه به په مستقیمه توګه پر دغو کشتیو نور تحریمونه ولګوي.» هغه وویل: «دا د اوکراین په ګټه هم ده، څرنګه چې شېدو فلیت هره ورځ هغه تیل انتقالوي چې روسیه ېې د لګول شوو بندیزو سربېره خرڅوي.»
په پام کې ده د اروپايي اتحادیې د بهرنیو چارو وزیران راروانه سه شنبه د می ۲۰مه د روسیې پر ضد د تحریمونو ۱۷مه بسته اعلان کړي.
د لاتویا د بهرنیو چارو وزیرې بایبا بریز (Baiba Braze) وايي چې روسیه خپل تقریقا ۸۴ سلنه خام تیل د بالتیک بحیرې له لارې صادروي چې په لاس راغلې پیسې ېې د روسیې د عایداتي بودیجې څه باندې یو دریمه برخه تشکیلوي.
نور ولولئ: آلمان غواړي د اروپا «تر ټولو قوي» پوځ ولري