د اوبو پر سر لامبو وهونکي یا د بام پر سر جوړ د فوټبال لوبغالي

د فوټبال دغه لامبو وهوونکی لوبغالی د تایلنډ هیواد د پان نا، خلیج په زړه کې موقعیت لري. ماشومان او تنکي ځوانان د فوټبال په دې لامبو وهوونکی لوبغالی کې لوبې کوي چې شاوخوا یې په زړه پورې منظرې دي، خو په دې لوبغالي کې د توپ کنترولول به اسانه کار نه وي. دغه لوبغالی د پلاستیکي پانتونونو دپاسه جوړ شوی دی.

فوټبال په برازیل کې ډیر مینه وال لري. حتی په ډیر تنګ او د استوګنې په سیمو کې هم د دې ورزش له پاره ځای جوړیږي. په ریو دی ژنیرو کې د دې لوبغالي دپاسه یو جال نیول شوی دی، څو د ګانډیانو کورونو ته توپ ونه لویږي.

دغه ښکلی لوبغالی چې شاخوا یې اوبه دي په ناروې هیواد کې د لوفوتن ټاپوګانو په مجمع کې د هننینګس ویر، په کلي کې موقعیت لري. دغه لوبغالی په ځانګړي توګه کله چې له پاسه ولیدل شي، ډیر ښایسته معلومیږي. د هننینګس ویر سیمه ایزه لوبډله په دې لوبغالي کې لوبیږي.

د توکیو په منځ کې د فوټبال دغه لوبغالی د هغو کسانو له پاره مناسب نه دی چې له لوړې ارتفاع څخه ویره لري. د جاپان د پلازمېنې توکیو د تویوکو پلورنځي د بام پر سر د ادیداس د فوټسال لوبغالی د ۲۰۰۲م کال د نړیوال جام په وخت کې جوړ شوی او په دې لوبغالي کې لوبیدل یوه نه هیریدونکې تجربه ده.

په سینګاپور کې دغه لوبغالی داسې معلومیږي چې د اوبو پر سر جوړ شوی وي، خو داسې نه ده. دا د اوبو ترڅنګ د ځمکې پر سر جوړ شوی دی. که څه هم دغه لوبغالی د فوټبال له پاره جوړ شوی دی، خو ډیر لږ پيښږي چې په دې ځای کې دې سیالۍ ترسره شي. اکثره د نورو مراسمو له پاره له دې څخه کار اخیستل کیږي.

د (FC Gspon) لوبډله د اروپا په تر ټولو د لوړې ساحې میدان کې لوبیږي چې د بحر له سطحې څخه شاوخوا ۲۰۰۰ متره لوړوالی لري. لوبغاړي د سکي له لفت څخه په استفادې دې لوبغالي ته ځي. دغه لوبغالی د فوټبال سربیره، لوبغاړو او نندارچیانو ته د آلپ غرونو د نندارې امکان برابروي.

د لیبرتادو سیمون بولیوار لوبغالی د بولیویا هیواد د لاپاز ښار په مرکز کې موقعیت لري. هغه خلک چې د دې میدان شاوخوا ودانیو کې ژوند کوي، ټکټ اخیستلو ته ضرورت نه لري او کولی شي له خپل کور څخه سیالۍ وویني.

د فوټبال دغه میدان د چین د لیائونینگ ولایت د شنیانگ ښار د یوې لویې لارې په حلقه کې واقع شوی دی. لوبغاړي او نندارچیان ممکن یوازې له موټر سره وکولی شي دې میدان ته لاړ شي.

دغه لوبغالی د عمان هیواد په سویل باطنه ولایت کې د غونډیو په منځ غریزه سیمه کې موقعیت لري. دا په اطرافي سیمو کې ورزش ته د پرمختګ ورکولو له پاره د مسقط د پروګرام یوه برخه ده.