د غزې اوسېدونکي په خفګان کې اختر لمانځي
۱۴۰۴ فروردین ۱۰, یکشنبه
په غزه کې اکثریت لمونځ کونکو نن روژې میاشت په پای ته رسېدو د کمکي اختر لمونځ د اسرائيل او حماس تر منځ جګړه کې کنډواله شوو مسجدونو کې ادا کړ. د ټولو ناخوالو سره سره کېدای شي نن د غزې د اوسېدونکو له پاره يو څه خوشاله ورځ وي، ځکه کورنۍ تر ېوې میاشتې روژې نیولو وروسته نن له یو بل سره ويني او ماشومانو ته ېې نوې جامې اخيستي. خو وضعیت ته په کتو په واقعیت کې د فلسطین د دوه میلیونه اوسیدونکو اکثریت ېې یوازې د ژوندي پاتې کېدو له پاره مبارزه کوي.
د غزې یوه اوسیدونکي عادل الشاعر په دیر البلح مرکزي ښارګوټي کې د اختر لمانځه وروسته وویل: «دا د خفګان اختر دی.»
هغه زیاته کړه: «موږ خپل ماشومان، خپل عزیزان، خپل او خپله راتلونکې له لاسه ورکړي. موږ خپل زده کونکي او خپل ښوونځي، خپل بنسټونه او هر څه له لاسه ورکړل.»
عادل په داسې حال کې چې له سترګو ېې اوښکې بهېدې وويل چې همدا څو ورځې مخکې یې د اسرائیل په حملو کې د کورنۍ ۲۰ غړي ووژل شول چې څلور ېې تنکي ځوانان خوریه ګان او ورېرونه دي.
نن یکشنبه د ۲۰۲۵م کال د مارچ ۳۰ مه د مسلمانانو د کمکي اختر لومړۍ ورځ ده. په دغه ورځ په ټوله نړۍ کې مسلمانان د اختر لمانځه په ادا کولو سره د اختر لمانځنه پيلوي.
اسرائيل او حماس تر میاشتو جګړو وروسته په جنوري میاشت کې پر یو اوربند توافق وکړ چې موده ېې د روانې میاشت په سر کې پای ته ورسيد. اسرائيل او حماس د دوهم ځل له پاره پر اوربند تر اوسه توافق ته نه دي رسیدلي.
په غزه کې د عامې روغتیا اداره چې د حماس تر ادارې لاندې ده وايي چې تر اوسه په غزې تړانګه کې د اسرائیل په حملو کې له ۵۰زرو ډېر فلسطینیان وژل شوي دي. دغه جګړه وروسته له هغې پیل شوی چې حماس جنګیالیو د ۲۰۲۳م کال د نوامبر په ۷مه پر اسرائيل حمله وکړه چې د رپوټونو پر اساس له ۱۲۰۰ ډېر ملکیان ېې ووژل او ۲۵۱ نور ېې یرغمل کړل.
د تېر اوروبند پر مهال حماس د اسرائيلي یو شمېر یرغملان آزاد کړل او په بدل کې ېې اسرائيل له خپلو زندانونو فلسطینان آزاد کړل. حماس يوه فلسطيني وسله واله ډله ده چې د آلمان په کډون اروپايي ټولني، امريکا متحده ايالاتو او ځينو نورو هيوادونو د يوه ترهګر سازمان په توګه درجه بندي کړې ده.
له آرشیف څخه انځوریز البوم (د تېرکال کوچنی اختر):