مصر د فلسطین په هکله د عربي هیوادونو بیړنۍ غونډه رابلي
۱۴۰۳ بهمن ۲۱, یکشنبه
د مصر هیواد د بهرنیو چارو وزارت د یوې اعلامیې په خپرولو سره د روان میلادي کال د فیبرورۍ میاشتې په ۲۷ نیټه د یوې بیړنۍ غونډې د را بللو خبر ورکړی دی.
دغه غونډه د فلسطینیانود برخلیک په هکله پر «جدي» تحولاتو د خبرو اترو په موخه جوړیږي.
دغه غونډه یا کنفرانس په داسې یوه وخت کې ترسره کیږي، چې د اسرائیل په وسیله د «غزې تړانګې د تصرف» او په نورو سیمو کې د فلسطینیانو له ځای پرځای کولو وروسته د«منځني ختیځ د ساحلي کرښې» رامنځته کولو په اړه د امریکا متحده ایالاتو د ولسمشر ډونالډ ټرمپ وړاندیز کړې طرحه په سیمه ایزه او نړیواله توګه غندل شوې ده.
مصر لوړمړی هیواد و چې په ۱۹۷۹م کال کې یې له اسرائیل سره د سولې تړون لاسلیک کړ. تیره میاشت مصر له امریکا متحده ایالاتو او قطر سره یوځای په غزه کې د اوربند په اړه د میاشتو راهیسې روانو بې وقفې مذاکراتو کې د اسرائیل او حماس ترهګرې ډلې ترمنځ منځګړیتوب وکړ.