ترمپ: د چارلي کرک شکمن قاتل نيول شوی
۱۴۰۴ شهریور ۲۱, جمعه
سرچينو د اسوشيتد پريس خبري آژانس ته ویلي دي چې د ښي اړخه فعال چارلي کرک د قتل په تور نیول شوی شکمن کس يو ۲۲ کلن ځوان دی. زياته شوې چې هغه د يوټا ایالت سره تړاو لري.
په دې منځ کې ولسمشر دونالد ترمپ، ويلي دي چې هغه به د کرک د جنازې په مراسمو کې ګډون وکړي.
نوموړي د فوکس نيوز شبکې ته وويل: «اوس د هغه د جنازې [وروستيو رسوماتو] وخت نه وو. هغه بايد دلته له خلکو سره وای، هغه کار چې هغه [کرک] پکې ډېر مهارت درلود.»
د يوټا ايالت ګورنر سپينسر کوکس د يوې خبري غونډې په ترڅ کې وويل: «اغلو او ښاغلو، موږ هغه ونيو.»
د کوکس په حواله شکمن ځوان پر کرک د فيرونو اعتراف خپل يوه ملګري سره په خبرو کې کړی وو چې تماس یې ورسره نيولی وو او د ماشيندارې او د حکاکي مرميو په اړه یې ورسره پيغامونه تبادله کړي ول.
اړونده موضوع: ښي اړخه فعال او د ترمپ ملاتړی چارلي کرک په ډزو ووژل سو
چارلي کرک چې په امریکا کې د ښي اړخو او محافظه پالو یو له ډیرو مشهورو څېرو څخه وو، د چهار شنبې په ورځ په يوه غونډه کې په ډزو ووژل شو . نوموړی د ولسمشر دونالد ترمپ، له مهمو او بانفوذه ملاتړ کوونکی څخه وو.
کرک له دې امله چې د ترمپ د ملاتړو ځوانانو د بڼسټ په جوړولو کې یې نقش لوبولی وو، یوه پیژندل شوې څېره بلل کیدله. هغه په ۱۸ کلنۍ کې د Turning Point USA په نوم د محافظه کارو محصلینو ډله جوړه کړه او د ترمپ د ولسمشرۍ په دوره کې د جمهوري غوښتونکو یو له مخ پر ودې څېرې باندې واوښت. کرک په ټولنیزو شبکو کې په میلیونو پلویان درلودل او د "چارلی کرک شو" په نوم یې مشهور پودکاست اجرأ کاوه.