هندوستان: په یوه ودانۍ کې اورلګېدنې لږ تر لږه ۸ کسان وژلي
۱۴۰۴ اردیبهشت ۲۸, یکشنبه
د اورلګېدنې دغه پېښه د حیدرآباد ښار د چارمنار يادښت تاریخي ودانۍ ته نژدې رامنځ ته شوې ده.
ځايي رسنیو ویلي چې د پېښې له ځايه یو شمېر کسان چې په سخت روغتيايي وضعیت کې وو، روغتونونو ته رسول شوي دي. دغو کسانو ويلي چې د دغه ساختمان په لاندني پوړ کې د زیوراتو یوه مغازه وه او پاسنۍ برخه ېې د هستوګنې د کورونو له پاره کارول کېده.
د هندوستان د حیدراباد ایالتي وزیر ګې کیشن ریډي، د پېښې په ځای کې خبریالانو ته وویل: «دغه پېښه په سرکټ کې د شارټۍ له کبله رامنځ ته شوې چې له کبله یې ګڼ کسان مړه دي.»
زیاته شوې چې د پېښې په تړاو نور جزئيات به وروسته ورکړل شي.
د هندوستان صدراعظم، نریندرا مودي، پر اکس شبکه ليکلي چې پر هغو کسانو چې «په دغه پېښه کې ېې خپل ژوند له لاسه ورکړی د زړه له تله خپه شوی.» مودي د پېښې د قربانیانو له کورنيو سره د مالي مرستې امر کړی دی.
په هندوستان کې په ساختمانونو کې د اورلګېدنې پېښې او د ساختمانونو نړېدل معمول دي چې چارواکي ېې لامل د ودانیو خراب ساختماني وضعیت او د خوندیتوب لازم قوانینو نه شتون او د اوسېدونکو بې پروايي ښودل کیږي.
آرشیف: