روسیه په منځنۍ آسیا کې له افغانستان سره سرحدي پوستي زياتوی
۱۴۰۰ مرداد ۲۲, جمعه
په افغانستان کي د طالبانو پرمختګونو ته په کتو سره روسیې په منځنۍ آسیا کي د سرحدي پوستو څخه د مالي ملاتړ اعلان کړی دی. د روسیې د بهرنيو چارو وزارت ويلي چې دغه هېواد غواړي له تاجيکستان سره تر يو ميليون ډالرو زياته مرسته وکړي.
د روسيې د بهرنیو چارو وزارت مرستيال الګ سیرومولوتوف، روسي خبري آژانس (انترفکس) ته ويلي دي چې روسيه غواړي د پخواني شوروي اتحاد دغه جمهوریت سره د يو ميلیون امريکايي ډالر په بودجې سره مالي مرسته وکړي. تاجيکستان له افغانستان سره تر ۱۳۰۰ کيلومتره اوږد سرحد لري.
روسیه په افغانستان کي د طالبانو پرمختګونه په اندیښنې سره څاري. د دې ويره شته چې طالبان د تاجيکستان خاوره کي په نفوذ کولو وتوانيږي. دمګړۍ د بهرنيو جنګاليو له خوا کوم «بیړنۍ ګواښ» شتون نه لري خو سيرومولوتوف ويلي چې سره له دي هم ټولې سناريو ګانې بايد په پام کې ونيول شي.
روسیه په تاجکستان کي خپله ستره بهرنۍ پوځي آډه لري. په دې وروستيو کي کابو ۱۸۰۰ روسي سرتیرو په څو ورځنيو نظامي مانورو کي برخه واخيسته.
کومرسانت: مسکو په منځنۍ آسیا کي خپل متحدين يوازي نه پريږدي
د روسې ورځپاڼې «کومرسانت» د جمعي په ورځ د (اګست ۱۳ م ۲۰۲۱) په افغانستان کي د طالبانو پرمختګونو په اړه لیکلي دي چې د پنجشنبې په ورځ طالبانو په افغانستان کې ډير شمير ولايتونه په خپل کنترول کې راوستي دي. دغه ورځپانې په خپله لیکنه کې زياته کړي د امریکايي رسنيو د رپوتونو پر اساس واشنګټن داسې تصور لري چې د افغانستان اوسني مقامات به وکولی شي، لږ تر لږه تر دریو میاشتو پورې د طالبانو بريدونو پر وړاندې مقاومت وکړي.
د روسيې د بهرنيو چارو وزير سرګې لاوروف د امريکا متحده ايالاتو دغه ارزونه نه ده رد کړی، خو په عین وخت کې يادونه کړی چې څوک د دغه وضعيت پراخیدو مسئوليت لري. دغه راز روسيې يو ځلي بيا څرګنده کړي چې نه غواړي په منځنۍ آسیا کي خپل متحدین د طالبانو په مقابل کې يوازي پريږدي.
(dpa)