د روسیې د دفاع وزیر پخوانی مرستیال په ۱۳ کاله زندان محکوم شو
۱۴۰۴ تیر ۱۱, چهارشنبه
په مسکو کې یوې محکمې، د سه شنبې په ورځ (۲۰۲۵م کال د جولای لومړۍ) د روسیې د دفاع د وزیر پخوانی مرستیال، تیمور ایوانوف په ۱۳ کاله زندان محکوم کړ.
خبري آژانسونه له مسکوه ليکي چې ایوانوف، د روسیې پوځ په ساختماني پروژو کې د نظارت دنده درلوده چې پکې په مالي اختلاس کې مجرم پېژندل شوی دی.
نور ولولۍ: د آلمان د بهرنیو چارو وزير اوکراين د آلمان د بهرني سیاست لومړيتوب بللی
مسکو پر اوکراین د پوځي یرغل په جریان کې د خپلو لوړپوړو پوځي چارواکو د چاڼ یو ستر پروګرام عملي کړ چې تر دفاع وزیر پورې ستر چارواکي ېې پکې په نخښه کړل.
اسوشتید پریس د رپوټ له مخې، د روسيې پخوانی د دفاع وزير سېرګي شیوګو د یو زوړ او تجربه لرونکي جنرال په توګه چې له ولسمشر پوتین سره ېې هم نژدې اړېکې درلودې، د خپلو نژدې ملګرو په کتار کې له محاکمې بچ او د امنیت شورا مشر وټاکل شو.
نور ولولۍ: روسیې پر ایران د امریکا حمله غندلې وايي ترمپ د جګړې یو نوی پړاو پیل کړی
د ۴۹ کلن تیمور ایوانوف په هکله ويل شوي چې پرې تور دی چې د روسیې په پوځ کې په مالي فساد کې ښکیله تر ټولو ستره څېره ده.
ایوانوف په ۲۰۱۶م کال کې د روسیې د دفاع وزیر مرستیال وټاکل شو چې د دفاع وزارت پر ساختماني پروژو د نظارت دندې علاوه ېې د دغه وزارت د جایدادونو، کورونو او طبي ملاتړ برخې مدیریت کولې.
نور ولولۍ: د منځني ختيځ بحران؛ چین د روسیې او ایران د دفاع وزیران یوې غونډې ته وربللي
ایوانوف د ژوند د مجللې شیوې په درلودلو کې شهرت درلود چې دا کار ېې په مسکو کې د ډېرو د غوصې سبب واقع کېده.