سفرآسیا
ایراني رسنۍ: په ترافیکي پېښه کې ۲۱ کسان مړه شوي
۱۴۰۴ تیر ۲۸, شنبه
اعلان
د فرانسې خبري آژانس د رپوټ له مخې دغه ترافيکي پېښه چې تر اوسه ېې علت روښانه نه دی، د کوار په نوم ښارګوټي ته نژدې رامنځ ته شوې ده. کوار د پلازمینې تهران په شاوخوا زرکیلومترۍ کې پروت دی.
د دغه ښار د روغتون مشر، محسن افراسیابي د ایران دولتي تلویزیون ته وویل: «له بده مرغه د ۲۱ کسانو مړينه ثبت شوې ده.» هغه زیاته کړه چې په دغه پېښه کې ۲۹ تنه نور ټپیان شوي دي. په یو بل رپوټ کې بیا د ټپیانو شمېر ۳۴ ښودل شوی دی.
نور ولولۍ: په ایران کې لسګونه افغان مهاجر په ترافیکي پيښه کې ټپیان شوي
د ایراني رسنیو له خوا په خپرو شوو انځورونو کې ښودل کیږي چې یو بس د یوې غرنۍ علاقې پر سړک اوښتی دی.
ایران په سړکونو کې د خوندیتوب ضعیف ریکارډ لري. د ایران د رسمي خبري آژانس ایرنا د ارقامو پر اساس، تېرکال په دغه هېواد کې نژدې ۲۰زره کسان په ترافیکي پېښو کې مړه شوي ول.