سوریه: د وسله والو ډلو ترمنځ نښته کې ۴۰ کسان وژل شوي
۱۴۰۴ تیر ۲۳, دوشنبه
جګړه د دروز په نوم قبیلې او بدویانو یا ساریانو تر منځ شوې ده.
د سوریې د بشري حقونو د څار سازمان چې مرکز ېې په لندن کې دی وايي چې د وژل شوو کسانو په ډله کې ۲۷ کسان د دروز لږکۍ غړي او لس پکې بدويان شامل دي. دغه سازمان وايي په دغو تاوتریخوالو کې ۱۵ کسان نور ټپیان شوي هم دي چې د ځینو روغتیايي وضعیت نازک دی.
یاد سازمان چې له ۲۰۱۱م کال راهیسې په سوریه کې د تاوتریخوالو څارنه کوي، وايي چې جګړې تېره شپه او د دوشنبې په سهار ادامه درلوده.
نور ولولۍ: ترمپ پر سوریې لګول شوي بندیزونه لغوه کړل
د سوریې د دفاع وزارت ته یوې نژدې سرچينې هم دغه نښتې تائید کړي. په وینا ېې د سوریې د پوځ ۴ سرتیري هم وژل شوي او ۱۵ نور ټپیان دي چې د ځينو ېې روغتيايي وضعیت د اندېښنې وړ دي. د سرچينې په خبره دغه مرګ ژوبله په سویدا ولایت کې د جګړې د درولو او د ملکیانو د ژغورنې عملیاتو په جریان کې اوښتې ده.
د تاوتریخوالو لامل
د بشري سازمان په خبره، په سویدا کې وروستي تاوتریخوالي څو ورځې مخکې د دمشق او سویدا ولایت ترمنځ لویې لارې پر سر د دروز لږکۍ له لوري د یو ځوان د لوټولو پېښې پر سر پیل شوي دي.
نور ولولۍ: د سوریې په سویل کې د اسرائیل بریدونو مرګ ژوبله اړولې ده
تر دې مخکې د سوریې د کورنیو چارو وزارت په خپل ېو رپوټ کې ویلي ول چې په سیمه کې د مختلفو قبایلو ترمنځ نښتو کې تر ۳۰ ډېر کسان وژل شوي او شاوخوا ۱۰۰ نور ټپیان شوي دي.
د رپوټ پر اساس، د ځايي قبیلو یو شمېر غړو پر لاره پاټک جوړ کړی و چې پاټکوالو دغه ځوان تر درولو وروسته سخت وهلی ډبولی، مالونه ېې لوټ او بیا ېې په یوه متروکه علاقه کې پرېښی و.
نور ولولۍ: د سوریې حکومتي ځواکونو د داعش پر پټنځایونو عملیات کړي
تر دغې پېښې وروسته د دروز قبیلې جنګیالیو بدویان یا سارایان برمته کړل. د دوی دغه کړنې د لویې لاره د بندېدو او د تاوتریخوالو د رامنځ ته کېدو سبب واقع شوې. د سوریې دفاع وزارت د وضعیت د قابو کولو په موخه سیمې ته پوځي واحدونه استولي دي.
له آرشیف څخه: