پاکستان ته د يوه هوايي شرکت د پروازونو بيا پيليدل
۱۳۹۸ خرداد ۱۳, دوشنبه
اعلان
بریتش هوایي شرکت یوولس کاله مخکې په ۲۰۰۸ کال کې هغه وخت چې په اسلام آباد کې پر «میرت هوټل» باندې د موټر بم برید وشو، پاکستان ته خپل مستقیم پروازونه بند کړل. په دې برید کې ۵۴ کسان وژل شوي وو او ۲۷۰ تنه نور بیا ټپیان ول.
خو دغه هوايي شرکت اوس تر کوچني اختر یوازې څو ورځې مخکې یو ځل بیا پاکستان ته په اوونۍ کې درې وارې پروازونه پیل کړي دي. د پاکستان د دولتي تلویزیو په حواله د دې هیواد د هوا نوردۍ وزیر او په پاکستان کې میشت لوړپوړي بریتانیاوي دیپلومات په هوایي ډګر کې د لومړي پرواز د مسافرو هرکلی وکړ.
ms/bs (AP)