په تهران کې د افغان هنرمندانو د تجسمي هنرونو نندارتون

«نمیروز» د افغان هنرمندانو د تجسمي هنرونو د نندراتون نوم دی چې په دې ورځو کې د تهران په «فرهنګسرای نیاوران» کې نندارې ته وړاندې شوی دی.

د «ایرنا» په نوم د خبري آژانس په وینا تر ۱۳۰ زیات هنري آثار چې پکښې نقاشۍ، د خط نقاشۍ، مجسمې، انځورونه شامل دي نندارې ته ایښول شوي دي.

د دغه خبري آژانس د رپوټ له مخې دغه نندارتون د دوو هیوادونو د هنرمندانو د نزدي کولو په موخه جوړ شوی دی.

ایرانۍ مجسمه جوړونکې مریم کوهستاني، د دغه هنري نندارتون مدیره ده.

په نیمروز، نندارتون کې د محسن حسیني هنري اثر

د مریم کوهستاني په وینا په ایران کې د کوم بل هیواد د تجسمي هنرمندانو له پاره دغه ډول نندارتون سار نه لري.

په فرهنګسرای نیاوران، کې د افغان هنرمندانو د نندارتون لیدونکي.

د «نیمروز» نندارتون د جمعې په ورځ (د لړم میاشتې ۱۲م) پيل شوی او دوې اوونۍ به ادامه ولري.