بیت المقدس :د روژې دلومړۍ جمعې تر لمانځه مخکي امنیتي تدابیر
۱۴۰۳ اسفند ۱۶, پنجشنبه
پولیسو خبر ورکړی دی، چي د دې له پاره چي د بیت المقدس د زاړه ښار د الاقصی مسجد په محوطه یا د معبد په غره کي د روژې مبارکې میاشتي د لومړۍ جمعې عنعنوي لمونځ په ښه ډول ترسره سي، شاوخوا ۳۰۰۰ امنیتي ځواکونه او پولیس گومارل سوي دي. د رسنیو په حواله به د مسلمان لمونځ کوونکو شمیر ۱۰ زرو ته محدود سي. حماس ډلي مخکي له دې په دغه ښار کي د نښتو ږغ کړی وو.
الاقصی مسجد او د هغه محوطه چي د معبد د غره په نوم یادیږي په اسلام کي دریم سپیڅلی ځای بلل کیږي. د بیت المقدس د زاړه ښار د معبد غر د مسلمانانو تر ادارې لاندي دی، په داسي حال کي چي امنیت یې د اسرائیل پر غاړه دی.
په تیرو وختونو کي په بیت المقدس کي د روژې په میاشت کي په وار وار نښتي او له زورزیاتیو ډکی پیښي رامنځته سوي دي. د غزې جگړې او داسرائیل د عملیاتو او همدارنگه د اردن په اشغال سوې لویدیځه غاړه کې د تاوتریخوالي له امله وضعیت سږکال په ځانګړي توګه کړکیچن دی.