جرمونه
په برلین کې د یوې افغانې مور او لور جسدونه موندل شوي
۱۳۹۸ اسفند ۱۳, سهشنبه
اعلان
یوې پلټونکي کمېټې د دغې قضیې ارزول پېل کړې دي. تر اوسه د دغه پيښې جزئیات روښانه نه دي، خو د برلین د پولیسو یوه ویاند دویچه ویله ته د دغې قضیې په تائیدولو سره وویل چې وژل شوي کسان یوه ۳۸ کلنه میرمن او د هغې نهه کلنه لور ده چې د افغانستان اتباع ول.
د برلین د پولیسو د رپوټ له مخې، د دغو دوو تنو جسدونه د شنبې په ماښام شا او خوا اته بجې د «وورلتسر» پر سړک د هستوګنې په یوه اپارتمان کې موندل شوي دي.
د پولیسو په وینا تر اوسه د دغه پيښې عاملین نه دي پيژندل شوي.
dpa/na/sr/nz