په آیسلنډ کې له اونیو زلزلو وروسته له غره اور راوتلی
۱۴۰۲ آذر ۲۸, سهشنبه
د آیسلنډ د هوا پېژندنې ادارې (IMO) په وینا، له دغه غره څخه، چې د هیواد د پلازمینې ریکیاویک په سویل کې موقعیت لري، د څو اونیو پرله پسې زلزلو وروسته اورونه راووتل.
د هوا پېژندنې ادارې د راپور له مخې، داور غورځوونکي غره پیښه پر سیمه ايز وخت د شپې پر لسو بجو او ۱۷ دقیقو پیل شوه. وړاندي تر دې په یاده سیمه کې د شپې شاوخوا نه بجې یوه وړوکي زلزله هم وشوه.
یاد هیواد له څو اونیو راهیسې د دې پیښې له پاره چمتووالی نیولی او د نومبر مياشتي په نیمایي کې یې په سیمه کې بیړنی حالت اعلان کړی وو.
د ويلي شويو موادو چټک جریان
په آیسلنډ کې د بیړني مدیریت او ملکي محافظت د څانګي مشر ویدیر رینیسون، د هیواد عامه راډیو او تلویزیوني چینل «RUV» ته وویل: «د ويليو موادو د خپرېدو سرعت په ثانيه کې نږدې ۱۰۰ متره مکعبه او شاید هم تر دې ډیر وي. نو ځکه خو ویلای شو چې ستره اورراوتنه رامنځ ته شوې ده.»
د اور د فوارې شیبه په یوه ویب کم ویډیو کې اخیستل شوې. د کیمري په رڼا کې لیدل کیږې چې نارنجي رنګه د ډبرو ټوټې د اسمان پر لور پورته کیږي.
پیښه د ګرینداویک له کوچني ښارګوټي څخه شاوخوا درې کیلومتره لرې د ریک یاویک هوايي ډګر په ۲۰ کیلومترۍ کې رامینځته شوې ده.
یوه بله ویډیو چې وروسته ثبت شوې، ښې چې ويلي مواد د یوې غونډۍ پرغاړه رابهيږي.
د ریک یانس په اړه د حکومتي چارواکو د مخنیوي اقدامات
حکومتي چارواکي چې د ریک یانس اورغورځونکي پیښي څخه یې ویره لرل تیره میاشت ېې د ګرینداویک ۳۴۰۰ اوسیدونکي له دغه ځايه وايستل او د «بلو لاګون» ګرمي چیني اوبه ېې وتړلې.
آیسلنډ د اطلس سمندر په شمال کي د اورغورځوونکي غره پر مرکز موقعیت لري او دغه هيواد په هرو څلورو يا پنځو کلونو کې د اورراوتلو د پیښو شاهد وي. په حقیقت کې په آیسلنډ کې د اور غورځونکي غره پیښي تازه نه دې. هلته څه باندي ۳۳ داسي غورونه سته چې اور ترې راوځي.
د اور غورځوونکي غره تر ټولو سخته پیښه چې په دې هیواد کې رامینځ ته شوې په ۲۰۱۰م کال کې وه. په هغه وخت کې د ایافیاتلایو غره د اور وژنې پر وخت د اسمان څخه لوی ورېځې را ووتلې او د څو ورځو له پاره په ټوله اروپا کې الوتنې بندې شوې. چارواکي ویره لرل چې د ایرو بادونه به د الوتکو انجنونو ته زیان ورسوي.
د ټاپو بلې خوا ته د پیښو سره سره، د ریک یاویک هوايي ډګر لا خلاص دی. د هوايي ډګر په وېبپاڼه کې راغلي: اوس د کفلاویک په هوايي ډګر کې د الوتکو پر الوتنې او ښکته کېدو کې کوم خنډ نشته.
په هرصورت، مسافرینو ته چې له ریک یاویک څخه راځي یا روانیږي مشوره ورکول کیږي چې د پرواز وضعيت ځان ته معلوم کړي.