پاکستان وايي په ۲۰۲۲م کال کې به فضا ته لومړی فضا نورد وليږي
۱۳۹۸ مرداد ۳, پنجشنبه
پاکستان دا اعلان په داسې حال کې کړی چې گاونډي او سيال هېواد هند یې د دوشنبې په ورځ يو راکټ فضا ته وتوغوه څو يوه فضايي بیړۍ پر سپوږمۍ ښکته کړي. هند خپل لومړۍ فضا نورد په ۱۹۸۴م کال کې د سوریې په مشرتوب يوې فضايي ماموريت په ترڅ کې فضا ته استولي وو.
د پاکستان له خوا د دې پروگرام د ترسره کولو اعلان په داسې حال کې کیږي چې د امريکا متحده ايالاتو د «اپولو ۱۱» ماموريت چې سپوږمۍ ته یې لومړۍ انسان استولی وو، ۵۰ کاله پوره کیږي.
د پاکستان د سياينس او تکنالوژۍ وزير فواد چودهري، د تويتر له لارې ويلي: «دا به زموږ د تاريخ تر ټولو ستر فضايي ماموريت وي.»
هغه زياته کړې چې يوه کميټه به د راتلونکي کال په فيبرورۍ مياشت کې د فضا نورد د غوره کولو کار پېل کړي. د پاکستان د فضا نوردي ادارې «SUPARCO» بنسټ په ۱۹۶۱م کال کې ايښوول شوی وو. دغې ادارې خپل لومړۍ مخابراتي ستېلايت د چین د فضا نوردۍ ادارې د يوه څانگې په مرسته فضا ته استولی وو.
bs/ms (Reuters)
زموږ له آرشيف څخه: