يوه امريکايي د ۱،۳۵ مليارډو ډالرو لاټري ګټلې ده
۱۴۰۱ دی ۲۵, یکشنبه
دغه خبره د لاټرۍ شرکت »مېګا ميلينز« د جمعې په ورځ (د ۲۰۲۲ کال د جنورۍ ۱۳مه) تر پچې اچونې وروسته وکړه. د جمعې ۱۳مه په ډېری لويديځو هېوادونو کې د بدمرغۍ ورځ بلل کيږي، خو د ګټونکي له پاره هغه اوس د نېکمرغۍ په ورځ اوښتې ده. د جمعې له ۱۳مې څخه هدف دا دی چې د جنورۍ ۱۳مه نيټه د جمعې په ورځ وي.
ويل کيږي چې د دغې لاټرۍ په تاريخ کې په اووم ځل اوس د هغې اصلي جايزه د جمعې په ۱۳مه نېټه ووېشل شوه. د پيسو دغه لوړ مقدار يا په کلني او پرله پسې ډول ورکول کيږي يا يو دم سړي ته سپارل کيږي چې ماليه هم ورڅخه ستنيږي.
د ګټلو چانس ۱ د ۳۰۳ ميليونو په مقابل اټکل شوی دی. بشپړ مقدار پیسې يوازې د ۳۰ کلونو په ترڅ کې وار په وار ورکول کيږي. د يو دم سپارلو پرمهال يوازې ۷۲۵ ميليونه ډالر وېشل کيږي چې ماليه هم ورڅخه ستنيږي.
د امريکا متحده آيالاتو په تاريخ کې تر ټولو ستره لاټري د ۲۰۲۲ کال په نومبر مياشت کې په کليفورنيا کې ووېشل شوه. د »پاوربال« په نوم دغه لاټرۍ کې ۲،۰۴ مليارډه ډالر موجود ول.