د سویلي کوریا د اساسي قانون محکمې د یون استیضاح تائید کړه
۱۴۰۴ فروردین ۱۵, جمعه
د محکمې د دې حکم سره سم باید په راتلونکي ۶۰ ورځو کې ټاکني ترسره شي.
دا پریکړه د محکمې له لوري په داسي حال کې تائید شوه چې څو میاشتي مخکې یون سوک یول په سویلي کوریا کې نظامي حکومت اعلان کړ او له همدې کبله د دغه هیواد د پارلمان له لوري استیضاح شو.
د حکم د اعلانولو پرمهال، یون په محکمه کې حضور نه درلود.
دغه پریکړه چې د ټلویزیون له لاري خپره شوه، د اساسي قانون محکمې سرپرست مشر مون هویونګ بي، وویل چې د اتو قاضیانو په موافقه دا پریکړه شوې ده، هویونګ بي، زیاتوي چې د سوي یون له خوا د نظامي حکومت اعلان له اساسي قانون څخه "سرغړونه" ده، او د دې ترڅنګ د قانوني پروسې سره سمون نه لري او همدا ډول، دغه عمل په قضایې خپلواکۍ کې مداخله ګنلې.
د سویلي کوریا د اساسي قانون محکمې په پریکړه کې دا هم ویل شوي دي چې یون د وسله والو ځواکونو د ستر قوماندان په توګه د سرتیرو په راټولولو سره له خپلې دندې سرغړونه کړې ده.
یون: « زه متاسفه یم»
يون، د حکم تر اعلان وروسته بخښنه وغوښته. هغه د خپلو وکیلانو له لارې په یوه خپاره شوي پیغام کې وویل: "زه ډېره بخښنه غواړم او پښیمانه یم چې زه نشم کولی هغه ډول شم لکه څنګه چې تاسو یې تمه لرله. زه به تل د کوریا د جمهوریت او د ټولو له پاره دعا کوم."
د ښاغلي یون د خلکو د قدرت ګوند هم اعلان وکړ چې د محکمې پریکړه مني.
تر هغې چې په سویلي کوریا کې ولسمشریزي ټاکني نه یې ترسره شوي، د دغه هیواد لومړی وزیر هان دوک سو، به د سرپرست ولسمشر په توګه خپلي چارې مخ ته وړي.
د یون ملاتړي او هغه کسان چې د هغه د استیضاح پلویان دي، دواړه لوري د اساسي قانون محکمې مخې ته راټول شوي ول.
د حکم تر اعلانولو وروسته د یون د استیضاح زرګونو پلویانو خوشحالي وکړه او «موږ بریلي شو» شعارونه یې ورکول.