د ایران په سیستان او بلوچستان ولایتونو کې د اوبو کمښت

د «ایرنا» خبري آژانس د رپوټ له مخې له دوو لسیزو راهیسې د سیستان او بلوچستان ولایتونه د اوچکالۍ له بحران سره مخامخ دي.

د هامون تالاب، وچیدل په سیمه د خلکو پر ژوند سخت اغیز کړی.

د رپوټ له مخې په اوس وخت کې دغه سیمه په ایران کې د دوړو او غبار په اصلي مرکز باندي اوښتې ده.

وچکالې د ایران د مختلفو سیمو اوسیدونکي تر اغیز لاندي رواستې دي چې په دغه ډله کې د ایران د ختیځ دغه ولایت هم راځي.

په وروستیو کلونو کې د سیستان او بلوچستان له درو سوو زیاتو کلیو څخه خلک د وچکالۍ له کبله کوچیدلي دي.

له یو شمیر کلیو څخه په بشپړ ډول اوسیدونکي وتلي دي.

وچکالي، د اوبو کمښت، د خاورو توپان او بې روګاري هغه لاملونه دي چې له کبله یې د کلیو او بانډو اوسیدونکي خپلو ټاټوبو پريښوولو ته اړ شوي دي.

یوه ستره ستونزه چې ایران ورسره مخامخ دی، د ابو د کمښت کړکیچ دی.

د ملګرو ملتونو د اټکلونو له مخې، په راتلونکو پنځلسو کلونو کې به د نړۍ د اوبو زیرمې ۴۰ سلنه کمي شي.