Разврска на изборите во Албанија

Лидерот на албанските опозициски социјалисти Еди Рама упати последен апел до членовите на Изборниот колегиум да бидат внимателни при донесувањето на денешната одлука во врска со изборот на градоначалник на Тирана. Изборниот колегиум, кого го сочинуваат судии од Апелацискиот суд, денеска ќе решава околу жалбата на опозициските социјалисти во врска со изборот на градоначалник на Тирана.

Албанскиот претседател Бамир Топи, во апелот до Колегиумот, бара одлуката да не биде донесена под политички притисок. Доколку Колегиумот ја прифати жалбата на социјалистите тогаш ќе се повторат изборите во Тирана, ако пак ја одбие тоа значи дека победник е демократот Љуљзим Баша.

Автор: АТ/миа

Редактор: Горан Чутаноски