Парадата на љубовта успешно „пресадена„ од Берлин во Есен

Според планот, наредните години таа ќе се одржи во Дортмунд, потоа во Бохум, па во Дуизбург и на крајот во Гелзенкирхен. Штефан Лајвен испрати извештај од Есен.

Центарот на Есен во саботата попладне се претвори во огромна дискотека на отворено. Околу 27-те подвижни музички платформи танцуваа преку 1,2 милиони посетители. Во 17 часот парадата се претвори во огромна забава на Берлинер плац. На бината висока 20 метри настапуваа светски познати диџеи:

„Овде дојдов со многу добро претчувство, но тоа што овде навистина се случува е неверојатно. Ако вака продолжи тогаш одлуката да ја преселиме парадата во Рурската област беше сосема исправна. Многу им се радувам и на наредните паради на љубовта„ – порача диџејот АТБ.

И голем дел од посетителите се сложуваат со неговата оценка, нагласувајќи дека во Есен било дури подобро отколку во Берлин:

„Супер е, навистина добро расположение, сите се коректни и се забавуваме бескрајно.„

За некои музиката не беше доволно гласна, покрај 600-те илјади вати на плоштадот:

„Музиката е малку тивка, не доаѓа навистина до овде, на моите уши им треба малку повеќе музика.„

„Парадата на љубовта е сосема добра, но музиката е малку претивка, би можела да биде малку погласна.„

Повеќе од 1.500-те полицајци кои беа задолежните за редот на парадата беа сосема задоволни од билансот. Само 10 апсења и едно повредено лице во тепачка. А екипите за итна медицинска помош мораа да помагаат главно поради проблеми со претерано конзумирање алкохол.