На 1. мај работеше големата коалиција во Берлин

Лидерите на трите партиите на големата коалиција во Берлин вчера вечер во седиштето на канцеларот постигнаа конечен пробив по две од трите отворени прашања. По петчасовни разговори, тие најдоа компромисно решение по предлогот на експертските тимови, кои работеа цел ден. Така од идната година еден од родителите во Германија ќе може да добива своевидна плата за одгледување на децата и тоа во времетраење од 14 месеци. Два од 14-те месеца под услов дел од времето дома да остане и таткото, а не само мајката.

Коалиционите партии постигнаа договор и околу т.н. данок за богатите. Тој подразбира 3% допоплнителен данок за најбогаите од 1 јануари 2007-та. Партиите на коалицијата меѓутоа се договорија во масата за оданочување да не се сметаат добивките од претприемачка дејност, туку другите видови заработувачка.

На полето на здравствената реформа, пак, што беше и најтешкиот јазол бидејќи ставовите на партиите од големата колаиицја се дијаметрално спротивни, не беше постигнат очекуваниот пробив. Обете страни меѓутоа манифестираа оптимизам дека до летната пауза сепак ќе се најде компромисно решение:

„Остваривме многу добар напредок. Тој е остверан по сите важни прашања што си ги поставивме. Гледате дека сум многу задоволен„ – изјави вчера вечер по средбата во канцеларамтот новиот претседател на социјалдемократксата партија Курт Бек.