Гласање доверба на новата грчка влада
16 ноември 2011
Во грчкиот Парламант денеска продолжува тридневната дебата по владината програма, која завршува вечерва со изјаснување на пратениците за доверба на новата влада на национално единство предводена од премиерот Лукас Пападимос.
Во Атина се верува дека коалиционата влада ќе ја добие довербата на парламентот, иако политичките аналитичари предупредија на нецелосна поддршка од конзервативната Нова демократија, која доби само неколку места во владата.
Според последната анкета, владата на мандатарот Лукас Пападимос има поддршка од 75 отсто од Грците.
Владата на поранешниот потпретседатен на Европската централна банка треба да ја осигура исплатата на новиот пакет финансиска помош од ЕУ и од ММФ за презадолжената Грција.
Во пресрет на денешното гласање во парламентот во Атина, претставник на еврокомесарот за финасиска и монетарна политика Оли Рен повтори дека услов за исплата на шестата транша од помошта за Грција е политичките лидери да дадат писмена гаранција дека ќе го почитуваат договореното на Самитот на ЕУ на 26 октомври.
Автор:СН/ ЖА/ дапд/ дпа/ миа/ мф
Редактор: Александра Трајковска