Гаук: Остануваме солидарни

Германскиот претседател Јоахим Гаук на почетокот на официјалниот дел од посетата на Грција беше поздравен од грчкиот претседател Каролос Папуљас со воени почести. По поздравната церемонија, двајцата претседатели имаa разговор во четири очи.

По средбата, претседателот Гаук ја истакна солидарноста на Германија со Грција. „Остануваме солидарни со Грција, како Германци и како Европејци“. Тој пред новинарите нагласи дека повеќето Германци имаат пријателски чувства за Грците. Претходно, Гаук истакна дека при неговата посета на Грција има намера да ги охрабри одговорните да продолжат со реформскиот курс за надминување на финансиската криза и покрај сите потешкотии.

Гаук денеска (6.03) треба да се сретне и со министерот за надворешни работи на Грција, Евангелос Венизелос, како и со водачот на опозицијата Алексис Ципрас од левичарската Сириза. Вечерва Гаук треба да одржи и говор во музејот Акрополис.

Во петок Гаук заедно неговиот грчки колегаќе отпатува во родниот град на Папуљас -Јанина, каде ќе им се оддаде почит на убиените грчки Евреи. Во селото Линигиадес пак ќе потсети на масакрот на германскиот Вермахт од 3. октомври 1943-та, кога биле убиени повеќе од 80 луѓе.

Посетата на Гаук е прва посета на еден германски претседател на Грција по 14 години.