Владата во Берлин ги повикува сите германски граѓани да го напуштат Ирак

Шефот на германската дипломатија Франк Валтер Штајнмајер синоќа во Берлин соопшти дека не е воспоставен контакт. Канцеларката Ангела Меркел изјави дека е длабоко загрижена поради повторното грабнување германски граѓани во Ирак, а владата повторно ги предупреди сите германски граѓани да не патуваат во Ирак:

„По овие две грабнувања можам само уште еднаш да повторам дека испраќањето луѓе во регионот и особено во т.н. сунитски триаголник е опасно и неодговорно„ – порача државниот секретар при Министерството за надворешни работи Гернот Ерлер.

Германската влада во меѓувреме им препорача и на околу 100-тината германски граѓани кои се‘ уште престојуваат во Ирак да ја напуштат земјата.