Албанија треба да работи уште многу на патот до ЕУ
12 септември 2011
Шефовите на дипломатии на Грција и Италија, Ставрос Ламбринидис и Франко Фратини, сметаат дека Албанија на патот до ЕУ има уште многу работа и бараат конкретни резултати.
„Патот е многу тежок, бара ригорозни подготовки, конструктивна соработка меѓу политичките сили и постигнување консензус. Ние ви гарантираме дека ќе бидеме на ваша страна во овие реформи и силно ќе ве поддржуваме на секој чекор за да го остварите вашиот сон. Но, треба да знаете дека е време за национано обединување за да се постигне консензус и исполнување на бараните критериуми од Брисел“, изјави Ламбринидис.
Фратини денеска (12.09) изјави дека Албанија треба да постигне национален пакт на патот за Европа и верува дека тоа е можно, но оти за тоа треба многу работа.
Автор: ЕМФ/миа
Редактор: Г.Чутаноски