Азарбејџан ќе ја снабдува ЕУ со зелена енергија
17 декември 2022
Подводниот кабел, кој би требало да бидел долг 1100 километри и да има моќност од 1000 мегавати, би требало да биде поставен за три до четири години. Тој треба да придонесе за диверзификација на снабдувањето на Европа со електрична енергија. Струјата од јужниот Кавказ би требало да ја намали и зависноста на Европа од руските извори на енергија.
„Двата брега на Црното Море никогаш досега не биле поблиску“, напиша претседателката на Европската комсија, Урсула фон дер Лајен, која денеска (17.12) во Букурешт присуствуваше на церемонијата на потпишување на договорот за енергетскиот кабел.
Претходно, претседателот Илхам Алиев (Азербејџан) и премиерите Николае Чиука (Романија), Иракли Гарибашвили (Грузија) и Виктор Орбан (Унгарија) ставија потпис на договорот кој треба да гарантира снабдување на Европа со зелена енергија од Азарбејџан.
- повеќе: Во Германија отворен првиот пловечки ЛНГ-терминал
„За да има сѐ поголем удел на обновлива енергија, потребни ни се посилни електрични мрежи. Затоа Црноморскиот енергетски кабел меѓу Романија, Грузија и Азербејџан е толку важен“, порача Фон дер Лајен.