Украина: Најмалку четири мртви од руски воздушни напади

Најмалку четири лица се убиени во руски напади врз Украина со 623 беспилотни летала и ракети во текот на ноќта кон саботата, според информации од Киев. Најмалку две лица се убиени во западниот украински град Черновци, објави украинскиот претседател  Володимир Зеленски  во саботата на онлајн сервисот X. Уште две лица се убиени во централниот украински регион Дњепропетровск, според соопштение од властите.

Руските вооружени сили ја нападнаа Украина  со 597 беспилотни летала и 26 ракети, изјави Зеленски. Поголемиот дел од беспилотните летала беа од ирански тип Шахед. Повеќе од половина од ракетите, 319 беспилотни летала и 25 ракети, беа пресретнати, објавија украинските воздухопловни сили. Украинските власти, исто така, јавија за 29 повредени, вклучувајќи едно 11-годишно момче во Лавов, западна Украина.

Во последните денови,  Русија ја подложи Украина на најтешките напади  од почетокот на војната пред повеќе од три години. Во текот на ноќта кон среда,  руската армија го нападна западниот дел од земјата  со 728 беспилотни летала и 13 ракети. Според Киев, ова бил најтешкиот воздушен напад од почетокот на  руската агресорска војна  пред повеќе од три години.

Полската армија напиша на X дека поради руските активности, биле распоредени борбени авиони од Полска и сојузничките земји. Активирани се „сите расположиви сили и ресурси“ за да се следи ситуацијата во пограничниот регион и да се заштити сопствениот воздушен простор.