Кенеди Јуниор крати 500 милиони долари за иРНК вакцини

Министерот за здравство на САД, Роберт Ф. Кенеди Јуниор, скратува околу половина милијарда долари за работа на одредени вакцини. Поточно, станува збор за иРНК вакцините во контекст на респираторни инфекции како што се коронавирусот и грипот, објави министерот за здравство. Тие се откажуваат од тоа и сакаат да инвестираат во „подобри решенија“. Тој не даде детали за тоа.

Другите примени на иРНК технологијата не се засегнати од ова соопштение. иРНК технологијата се базира на планови за телесните протеини, а стана позната благодарение на вакцините против коронавирусот.

Тужба поради укината препорака за вакцинација

Кенеди постојано е критикуван за ширење сомнежи во врска со вакцинацијата и за поткопување на кампањата за вакцинација против мали сипаници. Тој, исто така, во минатото тврдеше дека вакцините предизвикуваат аутизам. Оваа гласина е научно побиена. Самиот Кенеди не сака да се смета за противник на вакцините.

Во јули, американските медицински здруженија ја тужеа администрацијата на Трамп за повторно воведување на укинатата препорака за вакцинација против коронавирусот за бремени жени и за деца. Тужбата е насочена против Кенеди Јуниор, кој во мај наложи здравите бремени жени и деца да бидат отстранети од соодветните листи со препораки за вакцинација.