Украина: Трамп го предупреди Путин од „тешки последици“

Претседателот на САД, Доналд Трамп, му се закани на рускиот лидер Владимир Путинсо „многу сериозни последици“ ако шефот на Кремљ не попушти на заедничкиот состанок во петок. Тој не прецизираше какви би биле тие последици. Путин мора да покаже дека е подготвен да преземе чекори за да ја прекине војната против Украина, рече Трамп. Трамп ги нарече разговорите со сојузниците преку видео-конференција во средата, на кои учествуваше и украинскиот претседателВолодимир Зеленски, „многу добри“.

Американскиот претседател, исто така, изрази надеж дека, по самитот со Путин во Алјаска, ќе може брзо да организира трилатерален состанок со Зеленски - доколку двете страни сакаат негово учество. Сепак, прво сака да го почека исходот од својот состанок со Путин. Дали шефот на Кремљ е подготвен за тоа, останува отворено прашање. Зеленски повеќепати сигнализираше дека е подготвен за разговори на највисоко политичко ниво.

Досега нема реакција од Кремљ за разговорите на западните сојузници. Во меѓувреме, Москва повторно ја интензивираше својата офанзива во источна Украина во последните денови и забележа значителни територијални придобивки. Украина, исто така, ненамалено ја напаѓа Русија со беспилотни летала.

Извештај: Трамп нуди безбедносни гаранции

Според извештајот на американскиот медиум Политико, за време на видеоповикот со европските шефови на држави и влади, американскиот претседател им ветил безбедносни гаранции на Соединетите Американски Држави за Украина. Покрај тоа, Трамп го уверил украинскиот претседател и сојузниците дека неделава нема да преговара со Путин за поделба на украинската државна територија, објави Ен-Би-Си.

Зеленски, заедно со канцеларот Фридрих Мерц, од Берлин учествуваше во видеоповикот на таканаречената Коалиција на волјата со околу 20 земји, вклучувајќи ги Велика Британија, Франција, Италија, Полска, Австралија и Јапонија. Претходно, беше одржан повик на водечките земји на ЕУ и на НАТО, како и врвот на ЕУ, и колективен телефонски разговор со Трамп.