По скандалот во Белата куќа: Американската влада не попушта
3 март 2025
Во Вашингтон нема попуштање, САД инсистираат на својот став. Американскиот државен секретар Марко Рубио го бранеше однесувањето на претседателот Доналд Трамп и потпретседателот Џ.Д. Венс. Володимир Зеленски го пропадна состанокот во петокот во Белата куќа, изјави Рубио на телевизијата Еј-Би-Си.
Според Рубио, САД се подготвени да го продолжат разговорот доколку украинската страна е подготвена за мир: „Целта на претседателот Трамп е да ја доведе Русија на преговарачка маса. Тоа е единствената цел на Трамп “, рече Рубио.
„Поминавме три години навредувајќи го Путин“
На прашањето зошто Трамп толку силно се приближува кон Русија, нарекувајќи го Зеленски диктатор, но не и Владимир Путин, Рубио одговори: „Поминавме три години навредувајќи го Путин. Тоа сега не е поентата. Поентата сега е да ги натераме Русите да преговараат. Можеби тие не сакаат договор. Не знаеме. Не сме разговарале со нив веќе три години. Но, можеби тие сепак сакаат договор".
Советникот на Трамп за национална безбедност Мајк Волц беше запрашан на Си-Ен-Ен дали претседателот Трамп бара Зеленски да поднесе оставка. „Потребен ни е лидер кој може да преговара со нас, на крајот да преговара со Русите и да стави крај на оваа војна“, рече Валц, додавајќи: „Ако се покаже дека личните или политичките цели на претседателот Зеленски се разликуваат од завршувањето на борбите во неговата земја, тогаш имаме вистински проблем“.
Критика од сопствените редови
Спротивно на тоа, републиканскиот сенатор Џејмс Ланкфорд строго ги отфрли повиците Зеленски да поднесе оставка. Сенаторот од Оклахома е еден од критичките гласови во редовите на републиканците на Трамп. Ланкфорд изрази разбирање за ставот на Зеленски во интервју за Ен-Би-Си: „Зеленски со право е загрижен што Путин го прекршил секој договор што некогаш го потпишал и дека не може да му се верува. Затоа тој сака одредени безбедносни гаранции“.
Ланкфорд го нарече Путин „насилник на КГБ кој ги убива неговите политички противници, диктатор“. Сенаторот смета дека САД нема да и го свртат грбот на Украина. Претседателот Трамп ќе продолжи да се обидува да ги доведе двете страни на преговарачка маса, рече Ланкфорд.
„Треба да ги доведеме овие двајца, Зеленски и Путин, на маса и да дојдеме до некакво решение - кое долго време можеби ќе изгледа како она со Северна и Јужна Кореја, со гранична линија на кои се стои еден спроти друг, но без активна војна."
Автор: Ралф Борхарт, АРД