Венци и Ратка Гавровски од Гевгелија создадоа мала оаза во селото Серменин. Сѐ почнало од преселба пред три години од здравствени причини.
„Решивме по правењето на викендичката, скалило по скалило да направиме едно убаво место за рекреација, за посета, коешто не планиравме дека ќе биде таква туристичка атракција, бидејќи ние не ни знаевме дека постои“, раскажува Венци.
Преку лето, температурата на водата достига и до 10 степени. Гавровски деноноќно работеле со мајстори поставувајќи мост и клупи. А, денес целосно уживаат во бенефитите на воздушната бања
„Кога имате 45 степени, а кога тука ќе видите дека нема повеќе од 25-25 степени, значи многу е пријатно за седење“, вели Венци.
Ѓубре на локацијата има и денес. Несовесни луѓе го оштетуваат инвентарот, но двојката ги санира штетите. Венци апелира:
„Ако ви кажам дека ние околу 10 тракторски приколки исфрливме отпад од тука за да го исчистиме местото… Ги советувам сите тие што доаѓаат тука и го посетуваат ова место едноставно да внимаваат. Да ја сакаат природата и да го чуваат ова што е направено. Едноставно, да продолжиме со развивање на ова место.“