Од Истанбул до Охрид ќе се лета четири пати неделно

Со првиот лет на турската авиокомпанија  „Туркиш ерлајнс“ од Истанбул до Охрид свечено беше означен стартот на нововоспоставената авионска линија.   

Летовите Истанбул - Охрид ќе се реализираат четири пати седмично и тоа во понеделник, четврток, петок и недела. Турската авикомпанија за оваа линија ќе користи авиони „Ербас А321“, „Боинг 737-800“ и „Боинг 737-900“ од својата флота.

Според надлежните, оваа нова линија ќе значи многу за развојот на туризмот, но и за развој на економијата во Северна Македонија.

Првите патници од Истанбул на охридскиот аеродром беа пречеани од премиерот Христијан Мицкоски, вицепремиерот и министер за транспорт Александар Николоски, главниот извршен директор на „ТАВ Аеродроми“, Серкан Каптан, главниот извршен директор на „Туркиш ерлајнс“ Билал Екси и турскиот амбасадор Фатих Улусој.