Константинос Тасулас е нов претседател на Грција

Грчкиот парламент го изгласа 65-годишниот правник  Константинос Тасулас  за нов претседател на државата со мандат од пот години. Тој ја презема функцијата од  Екатерини Сакеларопулу,  која на чело на државата беше од 2020 година како прва жена на позицијата. Тасулас ќе стапи на должноста официјално на 13 март. Претседателот на државата  во Грција  има чисто репрезентативна улога. Гласањето во парламентот беше пренесувано во живо на грчката телевизија. Тасулас, досегашен претседател на парламентот, е роден во 1959 година во Јанина и на функцијата беше потврден речиси исклучиво со гласовите од владејачката конзервативна партија Нова демократија. Гласот за него го дале 160 пратеници од вкупно 300 колку што брои грчкиот парламент.