Германија петта во светот по цените на електрична енергија

На рангирањето на најскапите земји, Германија е на петто место со просек од 38 центи за киловат-час, како што објави во петокот порталот за споредба Веривокс, повикувајќи се на студија спроведена заедно со Global Petrol Prices. Меѓутоа, во 2021 година, Германија сè уште го држеше првото место и покрај тоа што цените на енергенсите во тоа време беа пониски.

На меѓународно ниво,  електричната енергија е најскапа  во островската држава Бермуда, со еквивалент од 41,97 евроценти. Земјите од ЕУ Данска, Ирска и Белгија го заземаат второто до четвртото место.

Според податоците,  просечната потрошувачка  цена во  Германија во 2021 година била 31,80 центи. Оттогаш, таа се зголемила за околу 19 проценти. Веривокс известува за просечно зголемување на цените на електричната енергија во светот од 29 проценти од 2021 година, додека во групата Г20 на најважните индустријализирани и економии во развој, зголемувањето изнесувало 26 проценти.

Земајќи ја предвид куповната моќ,  Германија е рангирана само на 22-ро место  во светот. Во 2021 година, таа беше на 15-то место. Од земјите од Г20, пак, само Италија имаше повисоки цени на електричната енергија споредбено со куповната моќ.