Бербок се залага за интеграција на Западен Балкан во ЕУ

Германската министерка за надворешни работи Аналена Бербок се заложи за интеграција на земјите од Западен Балкан во ЕУ. „Не можеме веќе да си дозволиме сиви зони во Европа“, рече со оглед на руската инвазија на Украина министерката Бербок на денешниот (14.04) состанок на министрите за надворешни работи на ЕУ во Луксембург. Оттука, според неа, натамошната интеграција на Западен Балкан претставува и „заедничка европска мировна политика“.

Прашањето за проширувањето на ЕУ на Балканот е една од темите на состанокот на министрите за надворешни работи во Луксембург. Меѓу другото, на дневен ред се разговори со претставници на Албанија за пристапување на таа земја во Унијата. Бербок зборуваше за „натамошен голем чекор“ на Албанија во ЕУ.

ЕУ на шесте земји од Западен Балкан им понуди изгледи за членство пред повеќе од 20 години. Русија и Кина сѐ повеќе се натпреваруваат за влијание во регионот.