Масовни протести против Берлускони

Шефот на Социјалдемократската партија, Пјерлуиџи Берсани во обраќањето изјави дека неговата партија ќе соработува со другите опозициски групи и има за цел формирање нова влада. На демонстрантите, кои на протестите допатуваа од цела Италија, им се придружија и социјалдемократски политичари од Франција и од Германија. Еден од гостите-говорници, лидерот на германските социјалдемократи, Зигмар Габриел, ја критикуваше моќта на финансиските пазари и за актуелната економска и финансиска криза го обвини неолиберализмот. Берлускони и неговата владима коалиција се наоѓаат во тешка положба поради притисокот на должничката криза. Шест члена на партијата на Берлускони инсистираат на негова оставка, за да овозможи формирање широка коалиција со една од опозиционите партии од политичкиот центар.

Автор: ЖА/СН/дв

Редактор: С. Недевски