За милијардите за Грција и стабилноста на еврото
16 јули 2011
Претседателот на советот на ЕУ, Херман Ван Ромпој, соопшти дека седумнаесетте земји-членки на еврозоната ќе одржат вонреден самит, на кој освен за натамошните милијарди за Грција, ќе стане збор и за стабилноста на еврото во целина. Несогласувања има пред се` околу прашањето како приватните доверители, на пример банките и осигурувањата, треба да се вклучуваат во новите пакети. Германија е меѓу земјите која најгласно се залага за тоа. Освен тоа, зачестуваат и барањата за преструктуирање на грчкиот долг.
Италија, пак, барем засега, успева да ја држи ситуацијата под контрола, откако во петокот по брза постапка ги усвои мерките за штедење. По сенатот, и парламентот во Рим ја одобри програмата, чија цел е да ја врати довербата на финансиските пазари во кредитоспособноста на Италија. Владата на Силвио Берлускони предвидува да заштеди 48 милијарди евра. Целта е да се постигне избалансиран буџет веќе во 2014 година.
Автор: ТТ/дв
Редактор: Е.М.Фиданоска