Грција е повторно на пазарот на капитал

Според наводи на грчкото Министерство за финансии, во државната каса првата емисија среднорочни обврзници донесла три милијарди евра. „Одзивот на пазарот е охрабрувачки, пазарот гласаше за Грција“, рече денеска (10.04) вицепремиерот Евангелос Венизелос на прес-конференција во Атина. Агенцијата Ројтерс јави дека побарувачката по грчките обврзници, кои имаат каматна стапка од 4,75%, била огромна, односно имало побарување во висина од над 20 милијарди евра.

Министерот за финансии на Грција, Јанис Стурнарас, оцени дека е ова „огромен успех“ за земјата, а слично еуфорично се изјасни и еврокомесарот Хоакин Алмунија, кој се наоѓа во Атина: „Ове се екстремно добри вести“, рече тој.

За Грција, која од 2010 година се бори против државен банкрот со помош на меѓународни кредити од ЕУ и ММФ, емисијата на обврзници значи чекор назад во финансиска самостојност.