Германската опозиција ја критикува владата во Берлин за политиката кон Блискиот Исток

„Дојдовме со различни ставови и си заминавме со различни ставови“,изјави Волфганг Герке од партијата на Левите која беше и инцијатор на вонредната седница по состанокот кој се одржуваше зад затворени врати.

„Очигледно е дека САД му дале зелено светло на Израел за воената акција. Се зборува дека тоа ќе потрае уште една недела. А сојузната влада не кажува јасно и гласно дека таму мора веднаш да се воспостави примирје“.

Пратеничкиот клуб на левицата толку многу негодува за политиката која ја води сојузната влада со Блискиот исто што дури и размислуваат да се свика и седница на Парламентот иако во тек е летната пауза.

И пратеникот на зелените Јирген Тритин смета дека сојузната влада малку сторила во слулчајов:

„Очекувам од владата силно да се ангажира за моментално воспоставување на примирје. Мора да се спроведе на дело предлогот на Кофи Анан кој сега го прифати и Русија.“

Пратенците од владината коалиција пак на ова гледаат поинаку и го поддржуваат ставот на канцеларката Меркел. Израел е нападнат на два фронта од страна на терористики организации – нагласи пратеникот од Христијанско демократската Унија, Екарт фон Кледен и затоа условите за примирје според него се „ агресорите да престанат со нападите и да се ослободат киднапираните војници. Тогаш Израел веќе нема да има причина да се брани“.

И соцјалдемократот Герд Вајскирхен смета дека моменталниот прекин на огнот тешко ќе може да се постигне.

„Заради тоа што Хезболах не е подготвен да ги прекине нападите кон Израел нема можност да се откаже од воената акција.“

Меѓу пратениците од владината црвено-црна коалиција само Хајдемари Вичорек Цојл, социјалдемократ и министерка за помош и развој побара итен прекин на огнот за да се престане со убивање на цивилното население и со уништување на инфраструктурата. Таа смета дека однесувањето на Израел е неприфатливо од аспект на меѓународното право. Партиите на владеачката коалиција на седницата на одборот за надворешна политика го критикуваа Израел само за тоа што уништил една електрана во Газа.