Бугарија недоволно се бори против корупцијата

Во извештајот кој денеска го објави Европската Комисија се наведува дека овие две земји постигнале напредок во последната година, но дека реформите мора да бидат спроведени.

Бугарија и Романија влегоа во ЕУ во 2007 година, но им беше наметнат петгодишен систем на контрола поради недостатоците во нивните реформи на правосудството и во други области.

Конечниот извештај за напредокот кој го постигнале двете земји во последните пет години ќе биде објавен во 2012 година.

ЕК наведува дека Бугарија мора значително да ги зголеми напорите во борбата против организираниот криминал и корупцијата, додека Романија доби подобри оценки за напредокот на тие полиња.

Бугарскиот премиер Бојко Борисов изјави дека извештајот на Комисијата е „пријателски извештај на пријатели“, додека министерот за внатрешни работи Цветан Цветанов оцени дека „извештајот е позитивен“.

Но, бугарската опозицијата смета дека се работи за „најкритичниот извештај на ЕУ“ од влезот на земјата во Унијата.

Автор: БГ/бета

Редактор: Александра Трајковска