Бегалска трагедија во Егејот

Грчката крајбрежна стража откри уште 14 тела од бродовите кои со криумчарени мигранти се превртеа во понеделникот во Егејското Море, со што бројот на настрадани се искачи на 18, соопштија локалните власти. Неколку десетина мигранти се обидоа во раните утрински часови илегално да влезат во Грција, на островот Самос. Очигледно тие со бродовите тргнале од турското крајбреже спроти островот Самос. Крајбрежната стража на Грција претходно соопшти дека успеала од морето да извлече 36 преживеани мигранти. Поголем број бегалци сѐ уште се водат како исчезнати. Во потргата се вклучени повеќе бродови и еден хеликоптер.

Националноста на настраданите лица и причините за несреќата не се соопштени. Ова е трет трагичен бродолом со мигранти во Грција од почетокот на годината.